Samantekt niðurstaðna:
Fræðslukönnunin lauk í dag og tóku um 60% félagsmanna þátt í henni (f:50).
* Félagsmenn gefa starfsemi félagsins tæplega 80 stig af 100 stigum (mjög ánægðir).
* Rúmlega 50% félagsmanna segjast vera frekar eða mjög líklegir til að koma á Nordic Light. Tæplega 30% félagsmanna eru ekki vissir. Aðrir (20%) telja frekar eða mjög ólíklegt að þeir mæti.

Hér að neðan listi yfir efstu fræðsluefninum raða eftir vegnu meðaltali:
1. Misferli og sviksemi (4,26)
2. Netöryggismál (4,12)
3. ERM (4,10)
4. Samtímaendurskoðun og - eftirlit (4,04)
5. COSO (4,00)
6. Greiningartól (3,98)
7. Áhættumiðuð endurskoðunaráætlun (3,98)
8. Almenn tölvuendurskoðun (3,92)
9. Verkefnaáætlun og áhættumat úttektar (3,90)
10. Gagnagreiningar. (3,88)
11. Verkefnastjórnun og samskiptahæfni (3,80)

Niðurstöðurnar er að finna hér: Fræðslukönnun_FIE_Niðurstöður_2019

Stjórnin hefur ákveðið að næsti morgunverðarfundur verður haldinn 15. mars um misferli og sviksemi. Dagskráin verður send til félagsmanna þegar nær dregur.

Þátttaka í starfsemi félagsins
Ánægjulegt er að sjá hversu margir félagsmenn eru ánægðir með starfsemi félagsins. Ég vil nota tækifærið og hvetja félagsmenn til að taka þátt í starfseminni. Nú vantar formann fræðslunefndar og stjórnarmann en kosið verður um hann eftir næsta morgunverðarfund. Endilega gefðu þig fram við stjórn (Björn, Jón, Sigrúnu eða mig) ef þú hefur áhuga á eða vilt fá nánari upplýsingar um starfið.

Við þökkum fyrir þátttökuna!!

Með góðri kveðju,
F.h. stjórnar
Ingunn formaður FIE

www.nordiclight2019.is

Á morgunverðarfundi félagsins í gær fjallaði Auðbjörg Friðgeirsdóttir formaður alþjóðanefndar FIE um leiðbeiningar IIA og reynslu sína við gerð þeirra. Hún hvatti félagsmenn til að taka þátt í þessu alþjóðastarfi sem hluti af sinni endurmenntun. Hægt er að sækja um þátttöku á heimasíðu alþjóðasamtakanna undir Global Guidance Contributor: https://forms.theiia.org/volunteer-guidance-contributor-form. Þá sagði hún frá vinnu sinni í norrænum vinnuhópi sem vinnur að gerð leiðbeininga um áhættustýringu og er stefnt að útgáfu þeirra á þessu ári (2019).

Glærur af fundinum er að finna hér:
Fyrirlestur hjá FIE - Global Contribution - leiðbeiningar fyrir fjármálafyrirtæki

Inga Rós Reynisdóttir og Sif Einarsdóttir sögðu frá niðurstöðum alþjóðlegrar könnunar Deloitte meðal forstöðumanna innri endurskoðunardeilda. Helstu niðurstöður voru að greiningarhæfni starfsmanna, þekking á greiningartólum og upplýsingatæknimálum væri mikilvægur þáttur í starfsemi innri endurskoðunardeilda. Þá kom einnig fram að margir íslenskir forstöðumenn töldu að auka þyrfti gæði, fjármögnun og áhrif innri endurskoðunar og voru nokkrar umræður um þessar niðurstöður á fundinum.

Hægt er að nálgast niðurstöður könnunarinnar hérna: https://www2.deloitte.com/global/en/pages/risk/articles/global-chief-audit-executive-survey-report.html

Glærur af fundinum er að finna hér: Nordic Perspective - Deloittes Global Chief Audit Executive Research Survey 2018

Morgunverðarfundur á Grand Hótel 17. janúar 2019 kl. 08:00-10:00.

Sif Einarsdóttir Deloitte ætlar að kynna niðurstöður úr alþjóðlegri könnun um áherslur innri endurskoðunardeilda í nútíð og framtíð.
Auðbjörg Friðgeirsdóttir PWC og formaður alþjóðanefndar FIE mun fjalla um alþjóðlegar leiðbeiningar fyrir fjármálafyrirtæki.

Allir velkomnir!

Ingi Magnússon, formaður siðanefndar FIE og sviðsstjóri endurskoðunarsviðs fer yfir siðareglur og málsmeðferðarreglur félagsins. Ásgeir Brynjar Torfason, lektor við viðskiptafræðideild Háskóla Íslands ætlar að fjalla um viðskiptasiðferði. Morgunverðarfundurinn fer fram á Hótel Natura 15. nóvember 2018. Við minnum á að faggiltir félagsmenn eiga að skila 2 einingum í siðfræði á hverju ári. Skráning fer fram í gegnum fie@fie.is. Allir velkomnir!

Alþjóðasamtök innri endurskoðanda tilkynntu nýverið um fyrirhugaðar breytingar á faggildingarprófum samtakanna. Samtökin hafa ákveðið að leggja ríkari áherslu á CIA gráðuna og verða því gerðar breytingar á svokölluðum sérhæfingargráðum.

Eftirfarandi breytingar verða gerðar:

CGAP og CFSA gráðurnar falla niður og í staðinn koma námskeið á vegum IIA.

CCSA fellur niður og verður hluti af CRMA gráðunni.

Nýtt fyrirkomulag CGAP og CFSA

Nýtt fyrirkomulag á CGAP og CFSA verður á þann veg að IIA gefur út kennsluskrá fyrir hvora gráðu fyrir sig. Nemendur sitja svo námskeið, byggð á þessum kennsluskrám. Námskeiðin verða haldin af IIA eða fagfélögum innan samtakanna. Í lok námskeiðanna er próf lagt fyrir nemendur til þess að meta niðurstöðu þeirra. Þeir sem ná prófinu fá viðurkenningu um að hafa staðist námskeiðið. Ekki er því um formlegar prófgráður að ræða lengur og því þurfa þeir sem ljúka námskeiðinu ekki að standa skil af endurmenntunarpunktum. Námskeiðin og fyrirkomulag þeirra verða kynnt nánar af IIA í byrjun árs 2019.

Félagsmenn halda gráðunum

Þrátt fyrir breytinguna þá fullvissar IIA þá félagsmenn sem hafa öðlast fyrrnefndar gráður að gráðurnar haldi virði sínu og samtökin muni standa þeim að baki áfram. Svo lengi sem kröfum um endurmenntun er fylgt þá halda félagsmenn sínum gráðum og geta notað þær áfram. Samtökin munu halda áfram að gefa út fræðsluefni og bjóða upp á ýmsa möguleika til að sækja endurmenntunarpunkta tengda sérhæfingargráðunum.

Enn þá tími til stefnu

Þeir sem hafa hafið lestur hafa enn þá tíma til að slá til. Hægt er að skrá sig í CGAP, CFSA og CCSA prófin til áramóta. Þeir sem hafa þegar skráð sig geta enn þá farið í próf og lokið gráðunni. Fylgjast þarf með og ljúka fyrir uppgefin tímamörk. Tímamörkin má finna í CCMS kerfinu sem fyrr.

Nánari upplýsingar er að finna HÉR.

Núverandi gráður á vegum IIA:

• Certified Internal Auditor® (CIA®)
• Certified Government Auditing Professional® (CGAP®)
• Certified Financial Services Auditor® (CFSA®)
• Certification in Control Self-Assessment® (CCSA®)
• Certification in Risk Management Assurance® (CRMA®)
• Qualification in Internal Audit Leadership® (QIAL®)

Alþjóðasamtök innri endurskoðenda óskar eftir framboðum í stjórn og nefndir samtakanna fyrir 12. október.

Nú þegar hafa tveir félagsmenn okkar starfað í nefndum samtakanna en þær eru 17 talsins og eru verkefni þeirra fjölbreytt.  Stjórnin hvetur félagsmenn að taka þátt í starfi Alþjóðasamtakanna. Þeir sem hafa áhuga á að bjóða sig fram er bent á að hafa samband við stjórn FIE fyrir 12. september (fie@fie.is)

Nánari upplýsingar um framboðsferli og verkefni stjórnar og nefnda er að finna hér: https://global.theiia.org/…/…/Pages/Call-for-Volunteers.aspx